Imserso
Instituto de Mayores y Servicios Sociales
- Bienvenidos
- Benvinguts
- Ongi etorri
- Benvidos
- Welcome
- Bienvenue
Seccións informativas
Cómo acreditarse
Se a pasada tempada estaba acreditado para viaxar, non é necesario que cubra unha nova solicitude, xa que o Imserso se terá posto en contacto con vostede para a renovación de datos.
Se, polo contrario, accede por primeira vez ó Programa de Vacacións ou reanuda a súa participación tras un período inactivo, deberá formaliza-la solicitude, podendo cubrila a través desta páxina web, se ben tamén se distribuíu en Concellos, Delegacións e Subdelegacións de Goberno, centros e oficinas de servizos sociais, etc.
Esta solicitude servirá para obte-la súa acreditación, que lle permitirá acceder ás prazas do Programa de Vacacións e incluílo na Base de Datos de Acreditados onde permanecerá de maneira permanente ata que nos comunique o contrario.
Unha vez procesadas tódalas solicitudes recibidas no prazo sinalado, o Imserso acreditará a tantos usuarios coma prazas dispoñibles existan e procederase, en caso necesario, a aplica-la baremación correspondente, relativa á idade, ingresos e viaxes realizadas con anterioridade.
Aproximadamente no mes de setembro, tódolos solicitantes recibirán unha notificación na que se lles indicará:
- Data na que poden obte-los billetes, con garantía de praza, debendo elixi-la súa viaxe dentro das dispoñibilidades existentes.
- Para aqueles que, unha vez baremados, non teñan garantía de praza, notificaraselles igualmente a data a partir da cal se poderán dirixir á Axencia de Viaxes por se houbera vacantes para calquera dos destinos ou datas.
Se non se cubren os datos ou se se comproba a falsedade dos mesmos, isto motivará a anulación da solicitude.
Só é posible a unión de solicitudes entre solicitantes dunha mesma provincia de orixe, debendo ter en conta, nestes casos, que os destinos elixidos e a orde de prioridade deben ser exactamente iguais en ambas solicitudes.
Suprímese a esixencia de adxunta-la fotocopia do Documento Nacional de Identidade, xunto coa solicitude, con independencia de que o mesmo será esixible no momento da reserva das viaxes e ó comezo dos mesmos.
